ვიდეო – თბილისი-რუსთავის მაგისტრალზე ავტომობილი ამოყირავდა

რუსთავი-თბილისის ავტომაგისტრალზე ავარია მოხდა.

“ინფო რუსთავის” ინფორმაციით, ავტობანზე ე.წ. გაჩიანის ხიდთან, “მერსედესი”-ს მარკის ავტომობილის მძღოლმა სავარაუდოდ საჭე ვერ დაიმორჩილა, გზის სავალი ნაწილიდან გადავიდა და წყლის სანიაღვრე თხრილში გადავარდა, რის შემდეგაც ამოყირავდა.

ავარიის შედეგად ერთი ადამიანი დაშავდა.

ადგილზე მობილიზებული იყო სასწრაფო სამედიცინო დახმარებისა და საპატრულო პოლიციის ეკიპაჟები.

პირველადი დახმარება სასწრაფოს ექიმმა პაციენტს ადგილზე გაუწია, შემდეგ კი მისი გადაყვანა “კლინიკა რუსთავში” მოხერხდა.

მომხდარზე დაწყებულია გამოძიება.