ანტიკორუფციული ბიუროს ხელმძღვანელის რაჟდენ კუპრაშვილის თქმით, საჯარო სამსახურებისთვის მამხილებლის ინსტიტუტი გაძლიერდება.
“შემდეგი ცვლილება ეს არის მამხილებლის დაცვის მექანიზმები. ეს არის სრულიად სიახლე, სადაც ყველა საჯარო დაწესებულებაში იარსებებს მხილების ძლიერი მექანიზმი. ეს იმას ნიშნავს, რომ ხშირ შემთხვევაში, როცა მოქალაქე მიმართავს საჯარო დაწესებულებებს, არ არის დროული პასუხები ამა თუ იმ გადაწყვეტილებასთან დაკავშირებით. […] მამხილებლის ინსტიტუტის გაძლიერება ეს იქნება რეფორმა, რომელიც უზრუნველყოფს და გამჭვირვალობას შეიტანს. მამხილებელი არის ნებისმიერი მოქალაქე, მამხილებელი არის საჯარო დაწესებულებაში მომუშავე პირი, რომელიც ამხელს კორუფციულ ფაქტს კონკრეტულ საჯარო დაწესებულებაში. აქ ანტიკორუფციული ბიუროს როლი ამ განხილვის პროცესში ძალიან მნიშვნელოვნად იზრდება” – თქვა კუპრაშვილმა.
Loading ...