გურიის სამხარეო პოლიციის უფროსად დავით კოდელაშვილი ინიშნება. აღნიშნულ ინფორმაციას ”TV პირველი” ავრცელებს.
არხის თქმით დავით კოდელაშვილს გურიაში ხვალ ელოდებიან.
ამ უკანასკნელის შესახებ საჯარო სივრცეში მწირი ინფორმაცია იძებნება.
შეგახსენებთ, რომ გურიის პოლიციის დეპარტამენტის დირექტორი, ლაშა გოგნიაშვილი ქალაქ თბილისის პოლიციის უფროსად დაინიშნა – ინფორმაცია “პირველებს” შინაგან საქმეთა სამინისტროში დაუდასტურეს.გოგნიაშვილმა ამ თანამდებობაზე თითქმის ერთი წელი იმუშავა.
ლაშა გოგნიაშვილმა თბილისის პოლიციის დეპარტამენტის დირექტორის პოსტზე სულხან თამაზაშვილი ჩაანაცვლა, რომელიც აჭარის ავტონომიური რესპუბლიკის მთავრობის თავმჯდომარის თანამდებობაზე წარადგინეს.
რაც შეეხება გრიგოლ ბესელიას, მან აჭარის პოლიციის დეპარტამენტის დირექტორის თანამდებობა წინა კვირას დატოვა. არსებული ინფორმაციით, ის კადრების განყოფილებაშია გადაყვანილი.
Loading ...