კალიფორნიის ქალაქ ბევერლი ჰილსში გარდაიცვალა ცნობილი ამერიკელი მსახიობი კერკ დაგლასი. მას დეკემბერში 104 წელი შეუსრულდებოდა.
ინფორმაცია მსახიობის გარდაცვალების შესახებ პირველმა გაავრცელა მისმა ვაჟმა, ჰოლივუდის მსახიობმა მაიკლ დაგლასმა. მან მამას უწოდა კინემატოგრაფის ოქროს ეპოქის ლეგენდა და სამართლიანობის იდეების ერთგული ჰუმანიტარი.
კერკ დაგლასი 1916 წლის 9 დეკემბერს დაიბადა ნიუ-იორკის შტატში, რუსეთის იმპერიიდან იმიგრირებული დანიელოვიჩების ოჯახში.
60 წლიანი კინოკარიერის განმავლობაში ითამაშა 80-ზე მეტ ფილმში. მსოფლიო აღიარება მოუტანა სპარტაკის და ვინსენტ ვან გოგის როლებმა.
კერკ დაგლასი იყო „ოქროს გლობუსის“ პრემიის მფლობელი მამაკაცის როლის საუკეთესო შესრულებისთვის ფილმში “სიცოცხლის წყურვილი”.
1996 წელს მსახიობს გადაეცა საპატიო „ოსკარი“ კინემატოგრაფიაში 50 წლიანი შემოქმედებითი და მორალური ძალისხმევისთვის, ხოლო 2001 წელს ბერლინის კინოფესტივალის საპატიო „ოქროს დათვი“.
www.radiotavisupleba.ge
Loading ...