100-მდე გერმანელი მღვდელი ერთსქესიანი წყვილების კურთხევისთვის მზად არის

გერმანიაში მოქმედი  კათოლიკური ეკლესიის 100-მდე მღვდელი ორშაბათიდან ერთსქესიან წყვილებს კურთხევას სთავაზობს. – ინფორმაციას ”BBC” ავრცელებს.

მოძრაობა სახელწოდებით ”love wins” (”სიყვარული იმარჯვებს” ) მას შემდეგ გაჩნდა, რაც კათოლიკურმა ეკლესიამ მარტის თვეში ერთსქესიანთა ქორწინების შესახებ განაცხადა, რომ  ”ღმერთი ცოდვას ვერ აკურთხებს”.

უფრო ადრე რომის პაპმა ფრენსისმა აღნიშნულ საკითხთან დაკავშირებით თქვა, რომ ერთსქესიან წყვილებს უფლება აქვთ, ჰქონდეთ მხოლოდ სამოქალაქო კავშირი.

ხსენებული განცხადება ვატიკანმა შემდეგნაირად ახსნა:  “პაპის ნათქვამი მიზნად არ ისახავდა დისკრიმინაციას, ეს იყო უბრალოდ საღვთისმსახურო რიტუალის ჭეშმარიტების შეხსენება.”

მოძრაობამ ”Love wins” შექმნა რუკა, სადაც ნაჩვენებია ყველა ეკლესია, რომელიც უახლოეს დღეებში  ერთსქესიან წყვილებს ქორწინებას სთავაზობს.
საკითხმა ფართო გამოხმაურება ჰპოვა გერმანიაში. ათასობით გერმანელმა მღვდელმა და ეკლესიის თანამშრომელმა ხელი მოაწერეს პეტიციას, რომელიც მოუწოდებს ეკლესიას, აკურთხოს ერთსქესიანი წყვილები. მრევლის ზოგიერთმა წევრმა ეკლესიების გარეთ ლგბტ-ს ფერების მქონე დროშებიც გამოფინა.

ერთსქესიანთა ქორწინება გერმანიაში 2017 წლიდან ლეგალურია.