ჩვენი შვილები იმაზე უფრო დაუცველები არიან, ვიდრე ჩვენ გვგონია.დღევანდელი მოზარდები მრავალი გამოწვევის წინაშე დგანან და იმის გამო, რომ მათი ტვინი ჯერ კიდევ განვითარების პროცესშია, ისინი უფრო მგრძნობიარენი არიან სტრესის მიმართ. სამყარო ძალიან სწრაფად იცვლება და დღევანდელი თინეიჯერები პირისპირ ხვდებიან პრობლემებს, რომლებიც მათ მშობლებს არც კი შეხებია.
მაგალითად, მათ უმეტესობას სოციალური ურთიერთობებში დადგენილ წესებში გარკვევა უჭირს. ეს იმიტომ ხდება, რომ ახალგაზრდების კომუნიკაცია დიდი ხანია ონლაინსივრცეში გადავიდა და მათთვის რთულია სოციალური უხერხულობის დაძლევა. წარმოგიდგენთ 10 ყველაზე გავრცელებულ პრობლემას, რასაც თანამედროვე თინეიჯერები აწყდებიან.
2. სოციალური ქსელები
ერთი მხრივ, სოციალური ქსელები შესანიშნავი სივრცეა კომუნიკაციისთვის, მეორე მხრივ კიბერბულინგის, შევიწროების და მრავალი უსიამოვნების ადგილია. რა სიფრთხილის ზომებიც არ უნდა მიიღონ მშობლებმა, კვლევის თანახმად, მოზარდები შესაძლოა მაინც აღმოჩნდნენ სხეულის არაჯანსაღი იმიჯის, შეუსაბამო ადამიანებისა და სექსუალური შინაარსის მქონე კონტენტის პირისპირ.
2. თანატოლების ზეწოლა
სოციალურმა მედიამ მეგობრებისა და თანაკლასელების ზეწოლა ახალ დონეზე აიყვანა. ინტერნეტში მოზარდი შეიძლება დაუცველი აღმოჩნდეს და ადვილად აიძულოს ან შეცდომაში შეიყვანოს ვინმემ და რაიმე თავისი ნების საწინააღმდეგოდ გააკეთებინოს. მაგალითად, მოზარდს ბოლომდე არ ესმის, რა შედეგები მოჰყვება მის ცხოვრებას ინტერნეტით გაგზავნილ შიშველ ფოტოებს და ვერ წარმოუდგენია, რომ მისი ნდობით ბოროტად ისარგებლებენ.
ბავშვები ასევე შეიძლება აიძულონ ან დაარწმუნონ, რომ დაკავდნენ სექსით, მიიღონ ნარკოტიკები, დალიონ ან შეურაცხყოფა მიაყენონ სხვა ადამიანებს. იმისათვის, რომ თქვენი შვილი ზეწოლის მსხვერპლი არ გახდეს, გააგებინეთ, რომ შეუძლია თქვენთან მოსვლა მაშინაც კი, თუ შეცდომა დაუშვა: თქვენ გაუგებთ და მიიღებთ მას. აჩვენეთ, რომ შეგიძლიათ მოუსმინოთ განსჯის ან ზედმეტი ისტერიკების გარეშე. რაც არ უნდა მოხდეს, დაეხმარეთ მას სიტუაციიდან გამოსავლის პოვნაში.
Loading ...