2026 წლის აპრილში საქართველოში შემოსული ფულადი ნაკადების მოცულობა წლიურად 7.6%-ით (22.5 მლნ აშშ დოლარით) გაიზარდა – ამის შესახებ ირკვევა ეროვნული ბანკის ანგარიშიდან.
უფრო კონკრეტულად, მიმდინარე წლის აპრილში ფულადი გზავნილების ნაკადების მოცულობამ 318.06 მლნ აშშ დოლარი (857.3 მლნ ლარი) შეადგინა.
აღსანიშნავია, რომ უცხოეთიდან საქართველოში ფულადი გზავნილების 96.6% იმ 26 უმსხვილეს პარტნიორ ქვეყანაზე მოდის, საიდანაც გზავნილების მოცულობა აპრილში თითოეულზე 1 მლნ აშშ დოლარს აღემატებოდა.
ამასთანავე, იმავე 26 ქვეყანაზე 2025 წლის აპრილში მთელი ფულადი გზავნილების 96.4% მოდიოდა, რაც წლიურად ზრდაზე მიანიშნებს.
10 ქვეყანა, საიდანაც ყველაზე მეტი ფული გადმოირიცხა
სებ-ის მონაცემებით, 2026 წლის აპრილში ჩარიცხვებში ევროკავშირის ქვეყნების ჯამური წილი 44.49%-ს, ხოლო დანარჩენი ქვეყნების წილი 55.51%-ს შეადგენდა.
საანგარიშო პერიოდში ცალკეულ ქვეყნებს შორის 18.33%-იანი წილით აშშ, 16.8%-ით – იტალია, ხოლო 13.22%-ით რუსეთი ლიდერობდა.
უფრო კონკრეტულად, 10 ქვეყანა, საიდანაც 2026 წლის აპრილში ყველაზე მეტი ფული გადმოირიცხა, ასე გამოიყურებოდა:
- აშშ – 58.3 მლნ აშშ დოლარი;
- იტალია – 53.42 მლნ აშშ დოლარი;
- რუსეთი – 42.06 მლნ აშშ დოლარი;
- გერმანია – 28.61 მლნ აშშ დოლარი;
- ისრაელი – 27.24 მლნ აშშ დოლარი;
- საბერძნეთი – 25.44 მლნ აშშ დოლარი;
- თურქეთი – 11.57 მლნ აშშ დოლარი;
- ესპანეთი – 8.75 მლნ აშშ დოლარი;
- ყაზახეთი – 8.05 მლნ აშშ დოლარი;
- საფრანგეთი – 6.36 მლნ აშშ დოლარი.
www.bpn.ge
Loading ...