საქართველოს საფეხბურთო ჩემპიონატის მეოთხე ლიგის ბოლო ტურში გურიის გუნდებმა წარმატებით იასპარეზეს.
მნიშვნელოვანი ქულა, დაძაბულ შეხვედრაში მოიპოვა ლანჩხუთის “გურიამ”, რომელმაც დამატებით წუთებზე შეძლო ორი გოლის გატანა და საბოლოოდ 4-4 დაასრულა შეხვედრა.
შედეგად “გურია” მომავალ წელს მესამე ლიგაში იასპარეზებს.
სტუმრად, დიდი ანგარიშით გაიმარჯვა ოზურგეთის “მერცხალმა”.
“მერცხალმა” თავისი ამოცანა წინა ტურში შეასრულა და მეოთხე ლიგაში ადგილი შეინარჩუნა.
დღევანდელი შეხვედრა ვანში სატურნირო მნიშვნელობით არ იყო გადამწყვეტი, მაგრამ ოზურგეთელებმა შესანიშნავად ითამაშეს და “სულორი” საკუთარ მოედანზე 1-7 დაამარცხეს.
გოლები ოზურგეთელთაგან გიორგი ჭანუყვაძემ (2), ნიკოლოზ მარსანიშვილმა, ნოდარ მაჭავარიანმა, დავით ბოლქვაძემ, ილია წიტაიშვილმა და თენგიზ ალიევმა გაიტანეს.
ამ გამარჯვებით “მერცხალმა” 39 ქულა დააგროვა და საბოლოოდ მე-11 ადგილზე დაასრულა სეზონი.
მომავალი სეზონიდან გურიას მეოთხე ლიგაში კვლავ ორი გუნდი ეყოლება. მესამე ლაგაში გადასული “გურიას” ამ ლიგიდან მეოთხეში დაქვეითებული ჩოხატაურის “ბახმარო” ჩაანაცვლებს.
Loading ...