პუტინისა და მისი ადმინისტრაციის შენახვის ხარჯი გადასახადის რუსი გადამხდელებისთვის 2026 წელს კვლავ გაიზრდება. ამის შესახებ ბიუჯეტის კანონპროექტში წერია, რომელიც სახელმწიფო სათათბიროს ერთიან მონაცემთა ბაზაში გამოქვეყნდა – ამის შესახებ ინფორმაციას The Moscow Times ავრცელებს.
დოკუმენტის თანახმად, „პრეზიდენტისა და მისი ადმინისტრაციის ფუნქციონირების“ ხარჯი 32.917 მლრდ რუბლს (401.8 მლნ დოლარს) შეადგენს, რაც თვეში საშუალოდ 2.74 მლრდ რუბლს (33.5 მლნ დოლარს), კვირაში 633 მილიონს (7.7 მლნ დოლარს), ხოლო დღეში 90 მლნ რუბლს (1.1 მლნ დოლარს) შეადგენს.
მიმდინარე წელს დაფიქსირებულ 30.926 მლრდ რუბლის (377.5 მლნ დოლარის) ოდენობის ხარჯთან შედარებით, მომავალ წელს პუტინის შენახვის ხარჯი, თითქმის, 2 მლრდ რუბლით (24.5 მლნ დოლარით) იზრდება და რუსეთის ღარიბი რეგიონების წლიურ ბიუჯეტზე მეტი ჯდება. მაგალითად, ყალმუხეთის ბიუჯეტი 28.8 მილიარდს (351.6 მლნ დოლარს), ხოლო ებრაული ავტონომიურ ოლქის ბიუჯეტი 24.2 მლრდ რუბლს (297.8 მლნ დოლარს) შეადგენს.
Loading ...