1 მარტიდან დღემდე სრულად 700-ზე მეტმა კომპანიამ შეაჩერა მუშაობა, – ამის შესახებ ინფორმაცია BM.GE-ის საინფორმაციო პორტალმა BIA-მ მიაწოდა. ამასთან, პორტალის ცნობით, 1 600-მა კომპანიამ საქმიანობა დროებით შეაჩერა და ბაზარზე მდგომარეობის დასტაბილურების მოლოდინშია.
BIA-ს საინფორმაციო პორტალზე 49 180 კომპანია ფიქსირდება, საიდანაც 34% ეკონომიკურად პასიური კომპანიის სტატუსს ატარებენ.
სექტორულად რომ ჩავშალოთ ყველაზე დიდი წილი BIA-ს მოწოდებული სტატისტიკის მიხედვით, სამშენებლო პროდუქცია, მშენებლობა და უძრავ ქონებაზე მოდის (23%), შემდეგი კვების პროდუქტების კატეგორიაა (21%), ხოლო მესამე ადგილს სადისტრიბუციო კომპანიები (8%) იკავებენ. ეკონომიკური საქმიანობა შეჩერებული აქვთ ყველაზე მეტად დაზარალებულ ტურიზმის ინდუსტრიაში ჩართულ კომპანიებსაც და საქმიანობის განხორციელება უჭირთ კაფეებსა და რესტორნებსაც.
სექტორები, სადაც ყველაზე მეტმა კომპანიამ შეაჩერა საქმიანობა
სამშენებლო პროდუქცია, მშენებლობა და უძრავი ქონება – 23%
კვების პროდუქტები – 21%
დისტრიბუცია – 8%
რესტორნები, ბარები – 7 %
ტურიზმი – 7%
ტრანსპორტი და გადაზიდვები – 6%
საოფისე და საოჯახო საქონელი – 6 %
მედიცინა, სილამაზე და სპორტი – 6 %
ხოლო კომპანიების დანარჩენი 16%-ი სხვა არსებულ კატეგორიებში გადანაწილდა.
www.bm.ge
Loading ...
