ჰამბურგში, რკინიგზის მთავარი სადგური დაკეტეს – მიზეზი სასიკვდილო ვირუსის შესაძლო გავრცელების პრევენციაა. ადგილობრივი მედიის ინფორმაციით, ვირუსს მარ-ბურგის სიმპტომებით, სადგურიდან საავადმყოფოში ორი სტუდენტი გადაიყვანეს. ისინი იზოლირებულ პალატაში მოათავსეს დაავადებაზე ტესტირებისთვის.
ვირუსს მარბურგის სიმპტომებია ცხელება, კრუნჩხვები, სისხლიანი ღებინება და დიარეა. ჯანდაცვის მსოფლიო ორგანიზაციის თანახმად, ვირუსის სიკვდილიანობა 88 პროცენტამდეა, რაც დამოკიდებულია შტამზე და შემთხვევის მართვაზე.
დაინფიცირებულებს რუანდაში მოგზაურობის ისტორია აქვთ. სწორედ აფრიკის ცენტრში მდებარე ქვეყანაში დაადასტურა ჯანმომ, ცოტა ხნის წინ, მარბურგის შემთხვევები. სულ დაფიქსირებულია 26 ფაქტი, აქედან 8 გარდაცვალება. მარბურგი იშვიათი და სასიკვდილო ვირუსია, რომელიც იგივე ოჯახს მიეკუთვნება, როგორც ებოლა.
ორივე სტუდენტის ჰოსპიტალური ანალიზების შედეგები ჯერჯერობით უცნობია.
Loading ...
