82 წლის, აშშ-ის ყოფილ პრეზიდენტ ჯო ბაიდენს, „პროსტატის კიბოს აგრესიული ფორმის“ დიაგნოზი დაუსვეს, იტყობინება The New York Times, ბაიდენის პრესმდივანზე დაყრდნობით.
გაზეთის ცნობით, დიაგნოზი პარასკევს, 16 მაისს, მას შემდეგ დაისვა, რაც ექიმებმა ბაიდენი საშარდე გზების პრობლემებზე გასინჯეს და მის პროსტატაზე „პატარა კვანძი“ აღმოაჩინეს, რომელიც „შემდგომ გამოკვლევას“ საჭიროებდა. NBC News დასძენს, რომ ბაიდენში აღმოჩენილი კიბო ძვლის მეტასტაზებით ხასიათდება.
„მიუხედავად იმისა, რომ ეს დაავადების უფრო აგრესიულ ფორმას წარმოადგენს, კიბო, როგორც ჩანს, ჰორმონების მიმართ მგრძნობიარეა, რაც მისი ეფექტური მკურნალობის საშუალებას იძლევა“, – განაცხადა პრესსპიკერმა. მისი თქმით, ბაიდენი და ყოფილი პრეზიდენტის ოჯახი ექიმებთან ერთად მკურნალობის ვარიანტებს იკვლევს.
კომენტარები
Loading ...