ჯო ბაიდენმა უკრაინისთვის 13,6 მილიარდი დოლარის გამოყოფის შესახებ კანონს ხელი მოაწერა

ამერიკის შეერთებული შტატების პრეზიდენტმა, ჯო ბაიდენმა უკრაინას დახმარების სახით 13,6 მილიარდი დოლარი გამოუყო.

როგორც ბაიდენმა ბრიფინგზე განაცხადა, შესაბამის კანონს მან ხელი უკვე მოაწერა.

„ახლახან მოვაწერე ხელი კანონს უკრაინისთვის ისტორიული 13,6 მილიარდი დოლარის დახმარების გამოყოფის შესახებ, რომ ვუპასუხოთ უკრაინაში რუსეთის შეჭრით გამოწვეული პრობლემებს“, – განაცხადა ჯო ბაიდენმა.

მანამდე, 13.6 მილიარდი დოლარის ოდენობის პაკეტი აშშ-ის კონგრესის ორივე პალატამ დაამტკიცა. ორპარტიული კანონპროექტი უკრაინის და მეზობელი ქვეყნების მიმართ ჰუმანიტარულ, სამხედრო და ეკონომიკურ მხარდაჭერას გულისხმობს.