ჯო ბაიდენმა ვლადიმირ პუტინს ომის დამნაშავე უწოდა. აშშ-ის ლიდერმა იმედი გამოთქვა, რომ პუტინს ომის დამნაშავის სტატუსი სამართლებრივადაც მიეცემა.
ამის შესახებ აშშ-ის პრეზიდენტმა პოლონეთის პრეზიდენტ ანდჟეი დუდასთან ერთად პოლონეთის ქალაქ ჟესოვში ლტოლვილთა კრიზისის მოგვარების მცდელობების შესახებ გამართულ ბრიფინგზე განაცხადა.
ამასთან, ჯო ბაიდენი პირობა დადო, რომ მილიონობით უკრაინელის ტანჯვის შესამსუბუქებლად თავის წვლილს შეიტანს.
„ერთადერთი ყველაზე მნიშვნელოვანი, რისი გაკეთებაც თავიდანვე შეგვიძლია, ჩვენს ირგვლივ დემოკრატიული სახელმწიფოების გაერთიანება და იმ ნგრევის შემცირებაა. გულწრფელად რომ ვთქვათ, ის [პუტინი] არის ომის დამნაშავე და ვფიქრობ, რომ ამას სამართლებრივი განმარტება მიეცემა“, – ვლადიმირ პუტინზე საუბრისას განაცხადა ბაიდენმა.
ბაიდენმა ასევე ხაზი გაუსვა რისკებს, რომელიც უკრაინაში რუსეთის შეჭრის გამო საყოველთაო უსაფრთხოებას ემუქრება.
Loading ...