აშშ-ის პრეზიდენტმა ჯო ბაიდენმა განაცხადა, რომ მისი შეხვედრა თეთრ სახლში გერმანიის კანცლერ ოლაფ შოლცთან იყო “ძალიან პროდუქტიული” და რომ დისკუსია “უკრაინის წინააღმდეგ რუსეთის მუქარების შეკავების შესახებ” დღის წესრიგის მთავარი თემა იყო.
„გერმანია შეერთებულ შტატებთან ჩვენს მოკავშირეებთან და პარტნიორებთან ერთად მჭიდროდ მუშაობს ამ სიტუაციაში დიპლომატიური გადაწყვეტილებების გასატარებლად და დიპლომატია არის საუკეთესო გზა ყველა მხარისთვის და ჩვენ ორივე ვთანხმდებით, მათ შორის იმაზე, რაც არის საუკეთესო რუსეთისთვის, ჩვენი აზრით”, – განაცხადა ბაიდენმა გერმანიის ლიდერთან გამართულ პრესკონფერენციაზე.
პრეზიდენტმა განაგრძო, რომ ნატო მზად არის, თუკი რუსეთი არჩევანს გააკეთებს უკრაინაში შეჭრაზე.
”და ჩვენ ძალიან ნათლად განვაცხადეთ, რომ მზად ვართ გავაგრძელოთ მნიშვნელოვანი მოლაპარაკებები რუსეთთან კეთილსინდისიერად. მაგრამ თუ რუსეთი გააკეთებს არჩევანს უკრაინაში შემდგომ შეჭრაზე, ჩვენ ერთობლივად მზად ვართ და მთელი ნატო მზად არის“.
ბაიდენმა დასძინა, რომ ორივე ლიდერმა განიხილა მჭიდრო ალიანსის შენარჩუნება და “სანქციების ძლიერი პაკეტის შემუშავება, რომელიც ნათლად აჩვენებს საერთაშორისო გადაწყვეტილებას და დააწესებს სწრაფ და მძიმე შედეგებს, თუ რუსეთი დაარღვევს უკრაინის სუვერენიტეტს და მის ტერიტორიულ მთლიანობას”.
„მადლობას ვუხდი გერმანიას და ჩვენს ყველა სხვა პარტნიორს აღმოსავლეთ ევროპასა და ევროკავშირში გაწეული მუშაობისთვის ამ ერთიან ძალისხმევაში“, – განაცხადა ბაიდენმა.
Loading ...