ჯონსონი: უნდა გვესმოდეს, ერთ ღამეში რუსული ნავთობისა და გაზისგან თავის დაღწევა შეუძლებელია

დიდი ბრიტანეთის პრემიერმინისტრის, ბორის ჯონსონის თქმით, ევროპა ჯერჯერობით ვერ შეძლებს რუსული გაზისა და ნავთობის შეძენაზე უარის თქმას. ამის შესახებ მან ნიდერლანდებისა და კანადის პრემიერმინისტრებთან ერთად გამართულ პრესკონფერენციაზე ისაუბრა.

“უნდა გვესმოდეს, რომ ერთ ღამეში ნავთობზე და გაზზე დამოკიდებულებისგან თავის დაღწევა შეუძლებელია, თუნდაც რუსულისგან. ამას ვერც ერთი ქვეყანა ვერ გააკეთებს. ბრიტანეთში ეს პრობლემა ნაკლებადაა, მაგრამ ყველა ქვეყანა განსხვავებულ მდგომარეობაშია”. – თქვა ჯონსონმა

ჯონოსმა ასევე აღნიშნა, რომ საბოლოო მიზანი მაინც რუსეთის გაზისა და ნავთობისგან დამოუკიდებლობის მიღწევა უნდა იყოს, შესაბამისად, ევროპამ მათი მიღების ალტერნატიული წყაროები უნდა ეძებოს.

“უნდა იყოს გარდამავალი პერიოდი, უნდა ვეძებოთ მიმწოდებელი და ვეძიოთ შემცვლელი ნავთობისა და გაზისთვის”. – თქვა მან