ჯონსონი: რუსეთის ყველა დიდი ბანკის ბრიტანეთში არსებული აქტივები გაიყინება

დიდი ბრიტანეთის პრემიერმინისტრმა ბორის ჯონსონმა განაცხადა, რომ რუსეთის ყველა დიდი ბანკის ბრიტანეთში არსებული აქტივები გაიყინება.

ჯონსონმა ასევე განაცხადა, რომ შემდეგი კვირიდან ბრიტანეთი დიდ რუსულ კომპანიებს ბრიტანულ ბაზარზე ფინანსებისა და სესხების მოზიდვას შეუზღუდავს.

ჯონსონმა რუსეთის წინააღმდეგ იმ უახლესი სანქციების დასახელება დაიწყო, რაზეც დასავლელი ლიდერები ცოტა ხნის წინ შეთანხმდნენ. პრემიერმა ვლადიმერ პუტინს “სისხლიანი აგრესორი” უწოდა და განაცხადა, რომ უკრაინელები ოკუპანტებისგან მტკიცედ იცავენ თავს.