ხულოს სოფელ წაბლანაში 5-სულიანი ოჯახის საცხოვრებელი სახლი დაიწვა. ინფორმაციას ამის შესახებ გამოცემა “ბათუმელები” ავრცელებს.
„ხანძრის სავარაუდო მიზეზი სახლის ძველი ელექტროგაყვანილობაა“ – უთხრა გამოცემას რაულ მახარაძემ, მერის წარმომადგენელმა სხალთის ადმინისტრაციულ ერთეულში.
არსებული ინფორმაციით, ადგილზე ჯერ ისევ მუშაობენ მეხანძრეები, ხანძარი ლოკალიზებულია. დაიწვა ხის ორსართულიანი საცხოვრებელი სახლი.
ხუთსულიანი ოჯახი, რომლის 2 წევრი ბავშვია, სოფლის ერთ-ერთ ცარიელ სახლში გადაიყვანეს დროებით საცხოვრებლად.
კომენტარები
Loading ...
