ხულოში, სოფელ ბაკოში ხის სახლი და ბოსელი დაიწვა. სახლში რვასულიანი ოჯახი ცხოვრობდა. ხანძრის შედეგად არავინ დაშავებულა – ინფორმაციას “ბათუმელები” ავრცელებს.
სოფელ თხილვანაში ხულოს მერის რწმუნებულის, მამუკა ქამაშიძის თქმით, ოჯახი ქირით გაიყვანეს, ზარალის დათვლის შემდეგ კი, დაზარალებულ ოჯახს ხულოს მერია 20 ათას ლარს გადასცემს.
„ეს ოჯახი სახლის პირველ სართულზე ცხოვრობს და გვიან გაიგეს, რომ მეორე სართულზე სავარაუდოდ ჩამრთველიდან ხანძარი გაჩნდა, სახანძროც მივიდა, მაგრამ სამწუხაროდ ვერაფრის გადარჩენა ვერ მოხერხდა. სოციალურად დაუცველი ოჯახია, სამი შშმ პირი ცხოვრობს ამ ოჯახში და ორი მცირეწლოვანი ბავშვი,“ – განაცხადა მამუკა ქამაშიძემ.
კომენტარები
Loading ...