ხმაური და დაპისრისპირება ოზურგეთის საკრებულოს სხდომაზე

ოზურგეთის მუნიციპალიტეტის საკრებულოს სხდომაზე ტრადიციულად სიტყვიერი დაპირისპირება იყო. ხმაური ოპოზიციის გამოსვლას მოჰყვა. ”ერთიანი ნაციონალური მოძრაობის” წევრის თათია ნიკოლაშვილის განცხადებით, მოსახლეობის პრობლემები საკრებულოს დღის წესრიგში არასდროს ხვდება. ოპოზიციამ გააჟღერა ოზურგეთის ბაღებში ხორცის ვარგისიანობის საკითხი, სტიქიით დაზარალებული და ინფრასტურქტურული პრობლემების მქონე მოსახლეობის პრობლემები და მოუწესრიგებელი სტადიონების საკითხი. უმრავლესობამ ოპოზიციის წევრებს პროვოკაციასა და უპასუხისმგებლობაში დასდო ბრალი. ”ქართული ოცნების” წარმომადგენლებმა სხდომაზე გაასაჯაროვეს დასკვნაც, რომლის მიხედვითაც ოზურგეთის ბაღებში შეტანილი ხორცი უსაფრთხო და ვარგისია.