ხმაური და დაპირისპირება ლანჩხუთის საკრებულოს სხდომაზე. ფრაქციამ “ძალა ერთობაშია” სხდომაზე ინფრასტრუქტურისა და ზედამხედველობის სამსახურების უფროსების პასუხისმგებლობის საკითხი დააყენა. როგორც ფრაქციის წევრები ამბობენ, ლანჩხუთის მუნიციპალიტეტში ინფრასტრუქტურული სამუშაოები არაჯეროვნად არის შესრულებული და კორუფციის ნიშნები შეიმჩნევა.” სოფელ ლესის წყალმომარაგებისთვის თანხა რამდენჯერმე გამოიყო და წყალი სოფელს მაინც არა აქვს, სოფელ სუფსაში სკვერის მშენებლობა სოლიდური თანხა დაჯდა და წყალშია გადაყრილი, ლანჩხუთში გაბიონების მშენებლობამ ორ სახლს საძირკველი გამოუთხარა” – განაცხადეს სხდომაზე ფრაქციის წევრებმა. ერთიანი ნაციონალური მოძრაობის წევრის კახა ასკურავას განცხადებით, თუ აღნიშნული სამსახურის უფროსების საქმიანობა შესწავლილი არ იქნება და მათი პასუხისმგებლობის საკითხი არ დადგება, მაშინ ფრაქცია ლანჩხუთის მუნიციპალიტეტის მერს მოსთხოვს აიღოს პასუხისმგებლობა და მისი იმპიჩმენტის საკითხს დააყენებს.
Loading ...