საქართველოს ფეხბურთის ფედერაციამ 2022 წელი შეაჯამა და ბევრ ნომინაციაში გამოავლინა საუკეთესოები. ტრადიციული, ყოველწლიური ღონისძიების – GFF Awards-ის კულმინაცია წლის საუკეთესო ფეხბურთელის დასახელება იყო და ამ ნომინაციაში გამარჯვებულად ხვიჩა კვარაცხელია გამოცხადდა.
2022 წლის სეზონის საუკეთესო ქალ ფეხბურთელად ეთერ სულაშვილი დასახელდა. საუკეთესო ახალგაზრდა ფეხბურთელის ჯილდო ანზორ მექვაბიშვილს გადაეცა. ფუტსალის წლის მოთამაშე კი საქართველოს ნაკრების მეკარე ზვიად კუპატაძე გახდა.
წლის რჩეულთა გამოსავლენ გამოკითხვაში მონაწილეობა მიიღეს ეროვნული ლიგის ათი გუნდის მთავარმა მწვრთნელებმა და ფეხბურთელებმა, ქალთა და ფუტსალის ლიგების მთავარმა მწვრთნელებმა და კაპიტნებმა, საქართველოს ეროვნული ნაკრების მოთამაშეებმა და სპორტულმა ჟურნალისტებმა.
კომენტარები
Loading ...
