ტრადიციული ლელობურთი წელს არ გაიმართება – ამის შესახებ ინფორმაცია ლანჩხუთის მერიამ რამდენიმე დღის წინ გაავრცელა.
“12 აპრილს, აღდგომის ბრწინვალე დღესასწაულთან დაკავშირებით, სოფელ შუხუთის მოსახლეობის ინიციატივით, საქართველოს კათოლიკოს-პატრიარქის, ილია II-ის, გარდაცვალებისა და მისი ხსოვნის პატივსაცემად ტრადიციული ლელობურთი არ გაიმართება.
გამომდინარე აქედან, მუნიციპალიტეტის მერიის მხრიდან ვეღარ მოხდება დაგეგმილი კულტურული და სპორტული ღონისძიებების უზრუნველყოფა. თუმცა მოსახლეობის ჩართულობით ტრადიციულად შეიკერება ბურთი, შემდეგ კი ლანჩხუთის მუნიციპალიტეტის სამღვდელოება აღავლენს საქართველოს კათოლიკოს-პატრიარქის სულის მოსახსენებელ პანაშვიდს.
მობრძანდით, ერთად გავაგრძელოთ ტრადიცია და ასევე პატივი მივაგოთ ჩვენს უწმინდესს და უნეტარესს, ჩვენი ერთობლივი ლოცვით!
16:00 საათი – ლელობურთის შეკერვა
17:00 საათი – საქართველოს კათოლიკოს-პატრიარქის სულის მოსახსენებელი პანაშვიდი.”– ნათქვამია განცხადებაში.
კომენტარები
Loading ...