დღეს ხერსონის მიმართულებით 2000-ზე მეტი ოკუპანტი ალყაში მოექცა და უკრაინელებისგან „მწვანე დერეფანი“ მოითხოვეს.
ინფორმაციას The Insider უკრაინის შეიარაღებული ძალების წყაროებზე დაყრდნობით ავრცელებს.
მათი თქმით, სამი რუსული ბატალიონის ტაქტიკურმა ჯგუფმა, მათ შორის სპეცდანიშნულების ასეული და სატანკო ასეული, მოითხოვა “მწვანე დერეფანი” ალყიდან გასასვლელად.
აღსანიშნავია, რომ ეს ემთხვევა სამხედრო ექსპერტის, ალექსანდრე კოვალენკოს ინფორმაციას, რომელმაც დღეს ადრე განაცხადა, რომ ხერსონის ოლქის სოფელ ვისოკოპოლეს მახლობლად რუსი დამპყრობლები ალყაში ჩავარდნენ და გასასვლელად „მწვანე დერეფნის“ მოწყობა მოითხოვეს.
The Insider-ის ცნობით, უკრაინის შეიარაღებული ძალების შეტევა განხორციელდა ერთდროულად ორი მიმართულებით: ოლგინო – კოსტირკა და პოტემკინო – ნოვოვოზნესენსკოე. ამ დროისთვის, ხერსონის რეგიონის ჩრდილოეთით, აქტიური საომარი მოქმედებები მიმდინარეობს არხანგელსკოე-ზოლოტაია ბალკას ხაზის გასწვრივ.
www.unian.net
Loading ...