„საქართველოს ხელისუფლებამ ყველაფერი გააკეთა იმისთვის, რომ ანაკლიის პროექტი გაჩერებულიყო. დღეს არის ეს სიტუაცია, მაგრამ ვიმეორებ ანაკლიის უმნიშვნელოვანესი პროექტი ჩვენი ქვეყნისთვის, ჩვენი მომავლისთვის, როგორც ეკონომიკურად, ისე უსაფრთხოების თვალსაზრისით, დაიწყება როგორც კი „ქართულ ოცნებას“ ჩამოვაშორებთ ხელისუფლებიდან.
ნებისმიერი სხვა განცხადება მინისტრების, რომ ისინი მხარს უჭერენ ანაკლიის პროექტს, არის ტყუილი, იმიტომ, რომ ის ქმედებები და ის მიზანმიმართული თავდასხმა, რაც ბოლო 2 წლის განმავლობაში ხორციელდებოდა ანაკლიის პროექტის მიმართულებით, თვალნათლივ ცხადყოფს მათ განწყობას, რომ ისინი მოწადინებული არ არიან, ანაკლიის პროექტი განხორციელებულიყო”, – განუცხადა ჟურნალისტებს მამუკა ხაზარაძემ სასამართლო პროცესის შემდეგ.
ხაზარაძემ ეს კომენტარი ევროპაში ამერიკის არმიის ყოფილი მთავარსარდლის, ბენ ჰოჯესის განცხადების გამო გააკეთა. ბენ ჯოჯესი აცხადებს, რომ რუსეთმა ყველაფერი გააკეთა ანაკლიის პროექტის ძირის გამოსათხრელად, საქართველოს მთავრობა კი კრემლის ზეწოლას დანებდა. „ლელო საქართველოსთვის“ ლიდერის თქმით, ყოფილი მთავარსარდლის განცხადება „არის სრული სიმართლე“.
Loading ...
