ხელვაჩაურის მერიის ინფორმაციით, სოფელ სატეხიაში ადიდებულმა მდინარემ მსუბუქი ავტომობილი წაიღო, მიმდინარეობს ერთი პირის სამძებრო სამუშაოები

ხელვაჩაურში, სოფელ სატეხიაში ადიდებულმა მდინარემ მსუბუქი ავტომობილი წაიღო.

ადგილზე საგანგებო სიტუაციების მართვის სამსახურის თანამშრომლები იმყოფებიან, მიმდინარეობს ავტომობილის ამოყვანის სამუშაოები.

ხელვაჩაურის მერიის ინფორმაციით, ავტომობილში ორი პირი იმყოფებოდა, ერთმა მანქანიდან გადმოსვლა შეძლო, მეორე კი გაუჩინარდა.

როგორც ხელვაჩაურის მერიაში “ინტერპრესნიუსს” განუცხადეს, მუნიციპლალიტეტში 20-მდე მეწყრული პროცესი განვითარდა. ერგესთან დამაკავშირებელ გზაზე ჩამოწოლილი მიწის მასის გამო, გადაადგილება შეფერხებულია.

საგანგებო სიტუაციების მართვის სამსახურში აცხადებენ, რომ აჭარაში უხვი ნალექის გამო, ამ დროისთვის, 30 – მდე გამოძახება ფიქსირდება.

„ყველაზე მოხდა რეაგირება, არავინ დაშავებულა. გამოძახებების უმეტესობა ეხებოდა ეზოების დატბორვებს“,- აცხადებენ უწყებაში.