ხარკოვში თავდასხმის შედეგად 10 ადამიანი დაიღუპა და 35 დაშავდა

უკრაინის შინაგან საქმეთა სამინისტროს მრჩევლის, ანტონ გერაშჩენკოს განცხადებით, ხარკოვის ცენტრში რუსული ძალების მიერ განხორციელებული სარაკეტო დარტყმის შედეგად 10 ადამიანი დაიღუპა და 35 დაშავდა.

„თავისუფლების მოედანს საკრუიზო რაკეტა მოხვდა. მაშველების მოსვლის შემდეგ განხორციელდა მეორე დარტყმაც. ადმინისტრაციის შენობის მესამედი ნაწილი ჩამოშლილია“, – განაცხადა გერაშჩენკომ.

მისი თქმით, დაღუპულებისა და დაშავებულების რაოდენობა შეიძლება გაიზარდოს, რადგან ჯერ კიდევ მიმდინარეობს გაწმენდითი სამუშაოები.