რამდენიმე დღე გაგრძელდა ხანძარი სატვირთო გემზე Felicity Ace, რომელსაც გერმანიიდან აშშ-ში 4000-მდე ძვირადღირებული მანქანა გადაჰქონდა. დამწვარი მანქანების ღირებულებამ შეიძლება ნახევარ მილიარდ დოლარს მიაღწიოს.
გემმა გერმანიის სანაპირო 9 თებერვალს დატოვა და შეერთებული შტატებისკენ გაემართა, მაგრამ პორტუგალიის აზორის ზღვის მიდამოებში მასზე ხანძარი გაჩნდა. Felicity Ace-ში დატვირთული იყო თითქმის 4000 ძვირადღირებული მანქანა, მათ შორის ისეთი ბრენდების მანქანები, როგორიცაა Porsche, Audi, Bentley და Lamborghini.
ხანძარი გემის ერთ-ერთ ტრიუმში გაჩნდა და ძვირადღირებული ტვირთის წყალობით ბორტზე სწრაფად გავრცელება დაიწყო. ამის მიზეზი ისიც იყო, რომ ბევრი მანქანა აღჭურვილია ლითიუმ-იონური ბატარეებით, რომლებიც ძალზე აალებადია.
ჯერჯერობით უცნობია, რამ გამოიწვია ხანძარი და უკავშირდება თუ არა ის ავტომობილების აკუმულატორებს.
22-კაციანი ეკიპაჟის ევაკუაცია ხანძრის გაჩენის დღესვე მოხდა. მაგრამ გემი რამდენიმე დღის განმავლობაში იწვოდა, რადგან ბატარეების ჩასაქრობად სპეციალური აღჭურვილობა იყო საჭირო, რაც პორტუგალიელ მეხანძრეებს არ ჰქონდათ.
ორშაბათს ხანძარი ჩაქრა, რადგან პორტის წარმომადგენლების თქმით, “გემზე დასაწვავი არაფერი დარჩა”.
წყარო: www.bbc.com
Loading ...
