ოზურგეთის მუნიციპალიტეტის საკრებულოზე ჭანიეთისა და ლიხაურის დამაკავშირებელი, თითქმის ორკილომეტრნახევრიანი გზის რეაბილიტაციის პროექტი დაამტკიცეს. პროექტის ჯამური ღირებულება 1 600 000 ლარია. საკითხი მერიიდან შესაბამისი სამსახურის ხელმძღვანელმა, გოჩა აბაშმაძემ წარმოადგინა. ასევე, დღევანდელ საკრებულოზე თვითმმართველობის ორგანოსთან არსებულ ქალთა და ბავშვთა საკითხებზე მომუშავე საბჭოს შექმნასთან დაკავშირებით იმსჯელეს . უფრო კონკრეტულად კი დებუტატებმა საკრებულოზე გენდერის საბჭოსთვის სახელის შეცვლას დაუჭირეს მხარი, რომელსაც ნინო ჭანიშვილი უხელმძღვანელებს. ასევე, დღევანდელ საკრებულოზე მერს თანხმობა მისცეს დეპუტატის ბიუროსთვის ფართის , ასოციაცია ”გურიასთვის” კი სატრანსპორტო საშუალების გამოყოფაზე. საკრებულომ ოზურგეთის მერს თანხმობა მისცა ქობულეთის მუნიციპალიტეტისათვის ნაგავშემკრები ავტომანქანის დროებით სარგებლობაში გადაცემასთან დაკავშირებითაც. საკითხი მერიიდან ეკონომიკის სამსახურიდან შემოვიდა.
Loading ...