“წურბელა და ტკიპა ხარ” – მერის მოადგილე გიორგი ღურჯუმელიძე ოპოზიციონერ თათია ნიკოლაიშვილს

“წურბელა და ტკიპა ხარ, ამ საკრებულოს სამარცხვინო წევრი” – ასე მიმართა ოზურგეთის მერის მოადგილემ გიორგი ღურჯუმელიძემ საკრებულოს დეპუტატს ”ნაციონალური მოძრაობიდან” თათია ნიკოლაშვილს. სიტყვიერი დაპირისპირება მას შემდეგ დაიწყო, რაც ნიკოლაშვილმა სხდომაზე ქალაქის ტერიტორიიდან რქოსანი პირუტყვის გადენისთვის გამოყოფილი 90 000 ლარი გააპროტესტა. ოპოზიციონერი დეპუტატის განცხადებით, დღეის მდგომარეობით ამ სერვისში 30 000 ლარია დახარჯული, რაც ნიშნავს რომ ოზურგეთის მერიამ ერთი პირუტყვის გადენაში 500 ლარი დახარჯა. თათია ნიკოლაშვილის ამ განცხადებას უმრავლესობის მწვავე რეაქცია მოყვა. “ ქართული ოცნების” თქმით, ოპოზიციის ეს განცხადება უტრირებული შინაარსის მქონე და არაკომპეტენტურია.