“ნუ აღშფოთდებით, იმიტომ რომ ნიკა გვარამია აღშფოთდა”, – ასეთი რჩევა “რუსთავი-2”-ის წამყვანებს იუსტიციის ყოფილმა მინისტრმა თეა წულუკიანმა პირდაპირ ეთერში მისცა, შემდეგ კი დაამატა: “თქვენ ჩვენ დაგიბრუნეთ ის, რაც გეკუთვნოდათ და ამაში იუსტიციის სამინისტროს ტიტანური შრომა დევს”.
“თქვენ ჩვენ დაგიბრუნეთ ის, რაც გეკუთვნოდათ, რუსთავი2 ეკუთვნოდა ხალხს, ეკუთვნოდა მის მესაკუთრეს, ამაში იუსტიციის სამინისტროს ტიტანური შრომა დევს, და მე თქვენგან მაქვს მოლოდინი იმისა, რომ იდგებით სიმართლის და სამართლიანობის სადარაჯოზე”, – განაცხადა იუსტიციის ყოფილმა მინისტრმა.
გადაცემის წამყვანის რეპლიკას: “ქალბატონო თეა, რუსთავი2 დააბრუნა ევროპის სასამართლომ”, თეა წულუკიანმა ასე უპასუხა:
“უი, რას ამბობთ… კარგი, არ გვინდა ამაზე ლაპარაკი… “ქართულ ოცნებას” და მის იუსტიციის სამინისტროს ამ დროს ეძინა და კანონიერება თავისით აღსდგა ამ საქმეზე, კი ბატონო, შევთანხმდით, ეს თქვენი სიტყვებია და თქვენ გქონდეთ”.
Loading ...
