ცესკოს ინფორმაციით, ბათუმში საკრებულოს წევრის შუალედური არჩევნების წინასწარი მონაცემებით, ერთიანი ნაციონალური მოძრაობის კანდიდატმა, მათე ფუთკარაძემ ხმების 31% მიიღო, ხოლო ქართული ოცნების კანდიდატმა, რამაზ ჯინჭარაძემ 69% მიიღო.
ცენტრალური საარჩევნო კომისიის ცნობით, 20:00 საათისთვის ბათუმში საარჩევნო ოლქებზე სულ 10 578 ამომრჩეველი მივიდა, აქტივობა 51.3%-ია.
მე ვიქნები ყველა ბათუმელის ხმა ბათუმის საკრებულოში, რომელიც იზრუნებს ბათუმელებზე, – ეს განცხადება “ქართული ოცნების” კანდიდატმა რამაზ ჯინჭარაძემ გააკეთა.
როგორც მან აღნიშნა, გუნდთან ერთად ღირსეული გამარჯვება მოიპოვა.
„მე მქონდა მოლოდინი, რომ გუნდთან ერთად ღირსეულად გავიმარჯვებდი. ჩემი 25-წლიანი საჯარო სამსახურში მუშაობა მაძლევდა იმის საფუძველს, რომ მეყარა კენჭი და გამემარჯვა. გუნდთან ერთად მივაღწიეთ ამ გამარჯვებას. მართლა ღირსეული გამარჯვებაა და მადლობა მინდა ვუთხრა ჩემს ამომრჩეველს. მე ვიქნები ყველა ბათუმელის ხმა საკრებულოში, რომელიც ყოველთვის იზრუნებს ბათუმელებზე”, – განაცხადა რამაზ ჯინჭარაძემ.
Loading ...
