ძლიერმა წვიმამ ოზურგეთის მუნიციპალიტეტში პრობლემები შექმნა – დაიტბორა ქალაქ ოზურგეთის ქუჩები, საცხოვრებელი სახლები და დაზიანდა ელექტრო გადამცემი ხაზები.
ოზურგეთის მუნიციპალიტეტის მერიის ინფორმაციით, ამ წუთებში, მობილიზებულია მერიის ყველა შესაბამისი სამსახური; სტიქიის სალიკვიდაციო სამუშაოები დაწყებულია და აქტიურად გაგრძელდება – გურიის საგანგებო სიტუაციების მართვის სამსახურის ჯგუფები და “ენერგო პრო ჯორჯიას“ თანამშრომლები სრულად არიან ჩართული.
ადმინისტრაციულ ერთეულებში არსებულ ვითარებას ოზურგეთის მერი, ავთანდილ თალაკვაძე, მოადგილეებთან ერთად ეცნობა და ყველაფერი კეთდება მოსახლეობის დასახმარებლად.
კომენტარები
Loading ...
