ფილიპინების ისტორიაში ერთ-ერთი ყველაზე დამანგრეველი ქარიშხლის შედეგად 100-ზე მეტი ადამიანი დაიღუპა, ათობით ადამიანი კი დაკარგულად მიიჩნევა. ინფორმაციას „ეიბისი ნიუსი“ ავრცელებს.
დაახლოებით 1,9 მილიონი ადამიანი დაზარალდა ქარიშხლის შედეგად, მათ შორის სოფლის 975 000-ზე მეტი მცხოვრები, რომლებსაც შექმნილი მდგომარეობიდან გამომდინარე მოუწიათ საცხოვრებლების დატოვება.
ამასთან, ქარიშხლის შედეგად გამოწვეული წყალდიდობით ბევრი ქალაქი დაიტბორა. პრეზიდენტი ფერდინანდ მარკოს უმცროსი სტიქიის შედეგად განადგურებულ ლოკაციებს ეწვია და დაზარალებულ მოსახლეობას დახმარება გაუწია.
გარდა ამისა, გაუქმდა თითქმის 200 შიდა ფრენა, ასევე გაუქმებულია საერთაშორისო რეისები. ასევე დაიხურა მანილას საერთაშორისო აეროპორტი.
კომენტარები
Loading ...