საქართველოს ძიუდოისტთა ნაკრების წევრმა ლაშა ბექაურმა (90 კგ) ჩინეთის ქალაქ ცინდაოში მიმდინარე მსოფლიოს მასტერსზე ოქროს მედალი მოიპოვა.
19 წლის ქართველმა სპორტსმენმა პრესტიჟულ საერთაშორისო ტურნირზე ხუთი შეხვედრა ჩაატარა. ფინალის გზაზე დაამარცხა: ჩინელი ჰებილიგ ბუ, ჰოლანდიელი ნოელ ვან ტენდი, იაპონელი სანშირო მურაო და თურქი მიკაილ ოზერლერი. გადამწყვეტ ბრძოლაში კი ესპანეთის ნაკრების წევრს, მსოფლიოს შარშანდელ ჩემპიონ ნიკოლოზ შერაზადიშვილს აჯობა.
ლაშა ბექაური ევროპის და მსოფლიოს მოქმედი ჩემპიონია ახალგაზრდებს შორის. უფროსებში ის საქართველოს ნაკრების შემადგენლობაში დასამკვიდრებლად იბრძვის და უმაღლესი რანგის საერთაშორისო შეჯიბრებაზე პირველი ტიტული მოიპოვა.
ჩინეთში გამგზავრებამდე რამდენიმე დღით ადრე, ბექაური საზოგადოების ყურადღების ცენტრში სულ სხვა ამბის გამო აღმოჩნდა. ძიუდოისტის მიერ სოციალურ ქსელში გავრცელებული წერილის თანახმად, მას სამართალდამცავებმა სცემეს.
www.radiotavisupleba.ge
Loading ...