ძაღლით მისულ ქურდს მაღაზიაზე მიყუდებული კიბე დარჩა – რა მოხდა წუხელ დაბა ლაითურში

ოზურგეთის მუნიციპალიტეტის დაბა ლაითურში წუხელ მაღაზია გაქურდეს. გავრცელებული ინფორმაციით, წაღებულია სპორტული შარვლები, კბილის ჯაგრისები, თმის საღებავები და ა.შ.  წაიღო თუ არა ქურდმა თანხაც, ამის შესახებ ინფორმაცია არ გავრცელებულა.

როგორც ადგილობრივები “გურიაTV”-ს უყვებიან, პოლიციამ ადგილზე ანაბეჭდები ვერ იპოვა, თუმცა სავარაუდოდ ქურდს თან ახლდა ძაღლი, რომლის კვალსაც სამართალდამცველები თავიანთი ძაღლით გაყვნენ და ეჭვმიტანილის კვალზეც გავიდნენ.

ასევე, ვრცელდება ინფორმაცია. რომ ქურდს მაღაზიასთან არსებულ კამერასთან მიყუდებული კიბეც დარჩა, რომელიც მისულ პოლიციას ადგილზევე დახვდა.

შინაგან საქმეთა სამინისტროს კომენტარს  მოკლე ხანში შემოგთავაზებთ.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა  ნინი ჩხარტიშვილმა  მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ-ის საელჩოს ალუმნი საგრანტო პროგრამის ფარგლებში.