“ცუდი მა­ნევ­რი­რე­ბის დროს ქალა ფუ­ძის ტრავ­მა მი­ი­ღო და გარ­და­იც­ვა­ლა” – რას ყვებიან ვარჯიშის დროს გარდაცვლილ ბიჭზე

ახ­მე­ტის მუ­ნი­ცი­პა­ლი­ტე­ტის სო­ფელ დუ­მას­ტუ­რის დაბ­ზა­ში ტრა­გე­დია მოხ­და. 16 წლის ბიჭი ძი­უ­დო­ში ვარ­ჯი­შის დროს გარ­და­იც­ვა­ლა. არ­სე­ბუ­ლი ინ­ფორ­მა­ცი­ით, სო­ფელ ქის­ტა­ურ­ში მცხოვ­რე­ბი მო­ზარ­დი დარ­ბა­ზა­ში ვარ­ჯი­შობ­და, რა დრო­საც ცუდი მა­ნევ­რი­რე­ბის დროს ქალა ფუ­ძის ტრავ­მა მი­ი­ღო და გარ­და­იც­ვა­ლა.

რო­გორც სო­ფელ­ში ჰყვე­ბი­ან, ბიჭი მა­მის თვალ­წინ და­ი­ღუ­პა. გარ­დაც­ვლი­ლი ძი­უ­დო­ის­ტი ვა­სი­კო სი­ხა­რუ­ლი­ძეა.

“ტრა­გე­დია მოხ­და, ვარ­ჯი­შის დროს გა­და­ტყდა ხერ­ხემ­ლის მა­ლა­ში, მა­მაც შე­ეს­წრო ამ ყვე­ლა­ფერს – იქ იყო, თა­ვად დაჰ­ყავ­და პან­კი­სის ხე­ო­ბა­ში ვარ­ჯიშ­ზე… მა­მის თვალ­წინ და­ი­ღუ­პა. ისე­თი სა­ში­ნე­ლე­ბა ხდე­ბო­და…” – გვიყ­ვე­ბა გარ­დაც­ვლი­ლის ოჯა­ხის ახ­ლო­ბე­ლი.

ვასიკოს შესახებ ერთ-ერთი მწვრთნელი სოციალურ ქსელში ემოციურ პოსტს აქვეყნებს.

„ვასიკო სიხარულიძე, ჩვენი ძაან სიმპატიური უმცროსი ძმა და ჩვენი ქართული ძიუდოს ოჯახის წევრი, უფალთან გაფრინდა, ზეციურ საქართველოში 8 სექტემბერს, დარბაზში ტატამზე.

️თბილი, უსაყვარლესი და ერთ-ერთი უჯიგრესი ახალგაზრდა ქართველი ძიუდოისტი, რომელიც ოცნებობდა ლაშა ბექაურივით ოლიმპიურ ჩემპიონობას, დატოვა მიწიერი საქართველო, დატოვა კიმონო ტატამზე, როგორც ნამდვილი მეომარი და უფალთან გაფრინდა მისი ნამდვილი ქართული ქრისტიანული სული.

️ეს, ქართული ძიუდოს ოჯახის უმძიმესი ტრაგედიაა, უდიდესი გამონაკლისი და ჩვენი გულის ტკივილი. ძიუდოს ფედერაციის პრეზიდენტი და მენეჯმენტი, შოკში და გაგიჟებულები არიან ამ საშინელი ტრაგედიის გამო.

და რა თქმა უნდა, ეს ყველაზე მეტად, უდიდესი სიმწარე და საშინელი ტრაგედიაა მისი მშობლების და ოჯახის წევრებისათვის, მისი მეგობრების და თანაკლასელებისათვის.

ვიზიარებ მთელი გულით ოჯახის მწუხარებას, ძიუდოს ფედერაციის და, ძიუდოს სამყაროს მწუხარებას. ღმერთმა ნათელში ამყოფოს ვასიკოს სული და ეს ყოფილიყოს პირველი და უკანასკნელი ასეთი ახალგაზრდა, მომავალი ქართველი ერის ტრაგიკული მომენტები“,- წერს დავით ავალიშვილი.