ცნობილ ტელეწამყვანს ელენ დეჯენერისს კორონავირუსი დაუდასტურდა

ელენ დეჯენერისს კოვიდ 19 დაუდგინდა. “ახლა თავს კარგად ვგრძნობ” – განაცხადა ტელევარსკვლავმა ხუთშაბათს.

“ელენ დეჯენერისის შოუს” წარმოება იანვრამდე შეჩერებულია, ამის შესახებ USA TODAY-ის Telepictures-ის წარმომადგენელმა განუცხადა.

62 წლის ტელეწამყვანმა ტვიტერზე დაწერა, რომ ყველა ვისაც მასთან კონტაქტი ქონდა გაფრთხილებულია, თვითონ კი იცავს CDC-ის რეკომენდაციებს.

“შევხვდებით დღესასწაულების შემდეგ. გთხოვთ იყავით ჯანმრთელად და უსაფრთხოდ” – დაწერა დეჯენერისმა.

ოქტომბერში, “ელენ დეჯენერესის შოუ” გახდა ერთ-ერთი პირველი სატელევიზიო წარმოება, რომელშიც შეზღუდვების შემდეგ სტუდიის აუდიტორიის შეზღუდული რაოდენობა დაბრუნდა. 28 ოქტომბრიდან შოუს ჩაწერას  40 ფანი უშუალოდ, ხოლო 70 ადამიანი ვირტუალურად დაესწრო. 

www.usatoday.com