"ცნობილი ჰომოსექსუალი ორჯერ დააწინაურა" _ ახალი სკანდალი ეკლესიაში

მამა გიორგი სხილაძე წილკნისა და დუშეთის მთავარეპისკოპოს ზოსიმეს “მამათმავლობაში” ამხელს. სხილაძის თქმით, 1988 წელს, როცა ზოსიმე სასულიერო აკადემიისა და სემინარიის რექტორი იყო, სტუდენტები აუჯანყდნენ, რადგან იგი მხილებული იყო მათდამი სექსუალურ შევიწროებაში.

“1988წ-ის ოცდასამ დეკემბერს, თბილისის სასულიერო სემინარია-აკადემიის რექტორი _ ეპისკოპოსი ზოსიმე შიოშვილი სტუდენტებმა, რომლებმაც აღმოაჩინეს, რომ ის სტუდენტ კახა კალაძეს სოდომურად ,,თავს დაესხა“ ,,სვეტიცხოვლის” რეზიდენციაში, ამხილეს და მასვე თანამდებობიდან გადადგომის ხელწერილი დააწერინეს” – წერს სხილაძე.

სხილაძე ამბობს, რომ აჯანყებული სტუდენტები სემინარიიდან გარიცხეს, ხოლო მამა ზოსიმე საქართველოს კათოლოკოს-პატრიარქმა ორჯერ დააწინაურა – 1996 წელს მთავარეპისკოპოსობა ებოძა, ხოლო 2009 წელს მიტროპოლიტობა.

“პატრიარქმა ილიამ ისინი, ,,თავდასხმის“ ობიექტის ჩათვლით, თავისთან დაბარება-გამოკითხვის გარეშე, სასწავლებლიდან გარიცხა; ცნობილი ჰომოსექსუალი კი, ვინც სტუდენტებთან ,,დედლობდა“, გარკვეული ხნის შემდეგ, ორჯერ დააწინაურა და დღემდე, წილკნელ მიტროპოლიტად ირიცხება სინოდში… მოვითხოვ, დაიკითხონ ის ყოფილი სტუდენტები (მათ შორის, ამ კომენტარის ავტორიც)!” _ წერს სოციალურ ქსელში სხილაძე.

“ხელწერილი დაიწერა რექტორის კაბინეტში, სადაც ვიმყოფებოდით მხოლოდ სტუდენტები. ამას დაადასტურებს იმჟამინდელი ყველა სტუდენტი; მათ შორის, დეკანოზი ზაქარია ფერაძეც, ვინც კვიპროსში ცხოვრობს.

ამ ხნის მანძილზე, როცა პეტრე ცაავა ჯერ კიდევ პატრიარქს აქებ-ადიდებდა, არაერთხელ დავსვი ეს საკითხი, სადაც ხელი მიმიწვდებოდა… ეს ხელწერილიც არაერთხელ გომოვაქვეყნე. ბოლოს, 2006წ-ს, წერილითა და თხოვნით მივმართე ქორეპისკოპოს თეოდორე ჭუაძეს, გამოძიებულიყო ეს” _  აღნიშნავს პოსტის კომენტარში მამა გიორგი სხილაძე და ხელწერილს აქვეყნებს:

“1988 წლის 23 დეკემბერს სამუდამოდ ვტოვებ თბილისის სასულიერო აკადემიის და სემინარიის რექტორის თანამდებობას. თანახმად აღნიშნული სასწავლებლის (თბილისის სასულიერო აკადემიის და სემინარიის) სტუდენტთა მოთხოვნისა.
თუ აღნიშნული ხელწერილი იქნება დარღვეული, მიცემულ ვიქნე სისხლის სამართლის პასუხისგებაში.
ხელმოწერა: ზოსიმე

ხელწერილი ჩემს მიერაა დაწერილი, რასაც ვამოწმებ
ხელმოწერა: ზოსიმე” _ წერია დოკუმენტში.

საქართველოს საპატრიარქოს საიტზე განთავსებულ ინფორმაციაში მეუფე ზოსიმეს მიერ სასულიერო აკადემიისა და სემინარიის დატოვების მიზეზად განსხვავებული მოტივია დასახელებული:
“მეუფე ზოსიმე თვლიდა, რომ სასულიერო სასწავლებელში სულიერების, სიმშვიდის შენარჩუნება შესაძლებელი იყო მცხეთაში, თბილისში უფრო გაძნელდებოდა ყოველივე ეს. XX საუკუნის 80-იანი წლების თბილისი გამოირჩეოდა პერმანენტული საპროტესტო აქციებით, მიტინგებითა და დემონსტრაციებით. ვინც ამ მიტინგებსა და დემონსტრაციებში არ მონაწილეობდა, სამწუხაროდ, ის ეროვნულ-განმათავისუფლებელ მოძრაობის მტრად ცხადდებოდა. მეუფე ზოსიმე 1989 წლის თებერვალში იძულებული გახდა გადამდგარიყო აკადემიის რექტორობიდან…”

წყარო: espersona.ge