15 მარტიდან საქართველოში კოვიდ-ვაქცინაცია იწყება. როგორც ჯანდაცვის სამინისტრო იტყობინება, ხვალ 08:45 საათზე, ინფექციური პათოლოგიის შიდსისა და კლინიკური იმუნოლოგიის სამეცნიერო პრაქტიკულ ცენტრში პაატა იმნაძე, მარინა ეზუგბაია, მარინა ენდელაძე, დავით გადელია და პირველი რეგისტრირებული ექიმი თამარ გიორგაძე COVID-19-ის საწინააღმდეგო ვაქცინაციას ჩაიტარებენ.
10:00 საათზე თბილისის რესპუბლიკური საავადმყოფოში აცრას ექიმები – ზაზა კაციტაძე, ლევან ვაშაკიძე და ლევან გოფოძე გაიკეთებენ. იაშვილის სახელობის ბავშვთა ცენტრალური საავადმყოფოში კი COVID-19- ის წინააღმდეგ ექიმი პედიატრი ივანე ჩხაიძე აიცრება.
11:00 საათზე კავკასიის მედიცინის ცენტრში მოსალოდნელია ექიმი პედიატრი თემურ მიქელაძის ვაქცინაცია. ამავე დროს ინფექციური პათოლოგიის შიდსისა და კლინიკური იმუნოლოგიის სამეცნიერო პრაქტიკულ ცენტრში ექიმი გუგა ქაშიბაძე აიცრება.
რაც შეეხება რეგიონებს, ბათუმში, 10:00 საათზე რესპუბლიკურ საავადმყოფოში COVID-19-ის საწინააღმდეგო ვაქცინაციას აჭარის ჯანდაცვის მინისტრი ნინო ნიჟარაძე, საზ.ჯანდაცვის ხელმძღვანელის მოადგილე ნონა ეფაძე, ბათუმის რესპუბლიკური საავადმყოფოს დირექტორი სოლომონ ფუტკარაძე და ექიმი ილია ნაკაშიძე ჩაიტარებენ.
ხოლო ქუთაისში ინტერვენციული მედიცინის ცენტრში კარდიოქირურგი, კარდიოდეპარტამენტის ხელმძღვანელი ნიკა ვაშაყმაძე და ინტერვენციული მედიცინის ცენტრის რეანიმაციული განყოფილების უფროსი თედო ფურცხვანიძე აიცრება. თელავში კი რეფერალურ ჰოსპიტალში ვაქცინაციისთვის ელოდებიან ექიმებს ზეინაბ მგელიაშვილს და დარინა მაჭავარიანს.
Loading ...