გურიანთის თემში შემავალი ციხისფერდის მოსახლეობამ დღეს აქცია გამართა. ადგილობრივებმა შიდა გზის ფაქტობრივად არარსებობის გამო, რომლითაც მუნიციპალიტეტს უკავშირდებიან, თავიანთი პროტესტი გამოთქვეს. მდინარემ, რომელიც შიდა გზის განაპირად ჩამოდის ძირი გამოუთხარა გზას და მასზე გავლა ფეხითაც შეუძლებელია. ადგილობრივები წყლის შესაკავებლად ჯებირის გაკეთებას ითხოვენ. გზა იმდენად ჩამოშლილი და ამორტიზებულია, რომ შესაძლებელია მიწა ჩავარდეს და ადამიანის სიცოცხლე შეიწიროს. ადგილზე ვერ მოდის სასწრაფო დახმარების მანქანა. ასევე შიდა კომუნიკაციით გადის ბუნებრივი აირი, გზის ჩამოშლის შემთხვევაში კი მოსახლეობა ბუნებრივი აირის გარეშეც დარჩება. ადგილობრივები აცხადებენ, რომ თუ გზა არ მოწესრიგდება პერმანენტულ აქციებს გამართავენ და ცენტრალურ გზას გადაკეტავენ.
გზა განსაკუთრებით მაშინ დაზიანდა, როცა სოფელი უფასო ინტერნეტიზაციის პრიგრამაში ჩასვეს. შიდასაკომუნიკაციო სამუშაოებმა გზაზე ბზარები გაზარდა და ჩამოშალა.
Loading ...