ინფექციური სავადმყოფოს დირექტორი, თენგიზ ცერცვაძე აცხადებს, რომ ვაქცინაციასთან ერთად, უკვე მსოფლიო სამკურნალოდ ელოდება ორ უახლეს მედიკამენტს, რომელიც აბების სახით გამოიყენება.
როგორც მან განმარტა, მოლოდინია, რომ აღნიშნული ორი მედიკამენტი პრაქტიკულად რევოლუციას მოახდენს პანდემიის მართვაში.
„ვარაუდია, რომ ამ ორი მედიკამენტების კლინიკური გამოცდა თითქმის დასრულდა. ასევე კვლევებით დასტურდება, რომ მედიკამენტები პაციენტმა დიაგნოზის დასმისთანავე უნდა მიიღოს და ასეთ შემთხვევაში დამძიმების რისკები, 50%-დან 90%-მდე მცირდება, შესაბამისად, მცირდება ჰოსპიტალიზაციისა და სიკვდილობის რისკები“, – აღნიშნა ცერცვაძემ.
ინფექციური საავადმყოფოს დირექტორი ირწმუნება, რომ როგორც კი ბაზარზე მედიკამენტები გამოჩნდება, საქართველო ერთ-ერთი პირველი ქვეყანა იქნება, რომელიც მას მიიღებს.
„საქართველო იქნება ერთ-ერთი პირველი, რომელიც ამ მედიკამენტს მიიღებს, რომელიც ბაზარზე, სავარაუდოდ, გამოვა დეკემბრის ბოლოს. აუცილებლად მივიღებთ, ერთ-ერთს მაინც, რადგან დიდი ხნით ადრე გვქონდა ინფორმაცია, რომ მედიკამენტები იქმნებოდა და დეკემბრის ბოლოს გამოჩნდებოდა, ამიტომ მის მიღებაზე ზრუნვაც დიდი ხნით ადრე დავიწყეთ“, – განაცხადა ცერცვაძემ „იმედის“ ეთერში.
შეგახსენებთ: დიდმა ბრიტანეთმა უკვე განაცხადა, რომ შექმნილია კორონავირუსის საწინააღმდეგოდ სამკურნალო აბები, რომლებზეც კვლევა უკვე დასრულდა და ის უკვე დამტკიცებულია.
იგივე განცხადება გააკეთა კომპანია „ფაიზერმაც“. ამ დროისთვის უცნობია როდის გამოჩნდება მედიკამენტები ბაზარზე.
Loading ...