„ჩხუბი პარკინგის გამო დაიწყო…“ – თბილისში მეზობელმა მეზობელი მოკლა

თბილისში, ისნის რაიონში მეზობელმა მეზობელმა მოკლა. სასტიკ ანგარიშსწორებას წინ მეზობლებს შორის შელაპარაკება უძღოდა.

გავრცელებული ინფორმაციით, 40 წლამდე მამაკაცებს შორის ჩხუბი პარკინგის გამო დაიწყო და ტრაგიკულად დასრულდა.

დანაშაული ცხელ კვალზე გახსნილია. ბრალდებულს დაზიანებები თავადაც აქვს მიყენებული და ის კლინიკაშია გადაყვანილი.

როგორც „პრაიმტაიმს“ შინაგან საქმეთა სამინისტროში უთხრეს, მომხდარზე გამოძიება სსკ-ის 108-ე და 236-ე მუხლებით დაიწყო, რაც განზრახ მკვლელობასა და იარაღის უკანონო შეძენა-შენახვა-ტარებას გულისხმობს.