ჩხუბი და დაპირისპირება ოზურგეთის საკრებულოს სხდომაზე

მწვავე დაპირისპირებით და ხმაურით დაიწყო ოზურგეთის საკრებულოს სხდომა. კონფლიქტი ნაციონალურ მოძრაობას და ქართულ ოცნებას შორის ”უცხოური გამჭვირვალობის შესახებ” კანონის მიღებას შეეხებოდა. ოპოზიციამ კანონის კრიტიკა დაიწყო, რასაც უმრავლესობის მწვავე რეაქცია მოყვა. ქართული ოცნების დეპუტატმა ნაციონალურ მოძრაობას რუსული რუბლები გადასცა, რასაც სიტყვიერი შეურაცხყოფა და ბრალდებები მოჰყვა. ჩხუბმა საკრებულოს დარბაზის გარეთ გადაინაცვლა და სხდომა შეჩერდა. საბოლოოდ ოპოზიციონერმა დეპუტატებმა სხდომა დატოვეს და განაცხადეს რომ ბოიკოტის რეჟიმში გადადიან.