ჩხოროწყუს მუნიციპალიტეტის სოფელ ლესიჭინეში გამთენიისას საზოგადოებრივი მომსახურების ცენტრის მისაღებთან დამონტაჟებული “ლიბერთის” ბანკომატის აპარატი ააფეთქეს. მომხდარს, სავარაუდოდ, თვითმხილველი არ ჰყავს.
შენობა ნაწილობრივ დაზიანდა – ჩაიმსხვრა შუშის კარი. ბანკომატი შენობის შიგნით იყო განთავსებული, იქ, სადაც მოქალაქეები სხვადასხვა ტიპის სერვისს იღებენ, მათ შორის პენსიას.
აფეთქების შედეგად არავინ დაშავებულა. მიუხედავად იმისა, რომ გამოძიება დაწყებულია, ჯერჯერობით უცნობია თავდამსხმელთა რაოდენობაც. ფული, სავარაუდოდ, დაკარგული არ არის.
შინაგან საქმეთა სამინისტროში რადიო თავისუფლებას განუცხადეს, რომ პოლიცია ქურდობის მცდელობას იძიებს. ეს სისხლის სამართლის კოდექსის 19 -177-ე მუხლია.
საზოგადოებრივი მომსახურების ცენტრი ლესიჭინეში 2018 წელს გაიხსნა და ის 8 სოფლის 10 000-მდე მცხოვრებს ემსახურება.
Loading ...