ჩოხატაურში მამაკაცი კორონავირუსით მეორეჯერ დაინფიცირდა

გურიაში რეინფიცირების შესაძლო შემთხვევას დაავადებათა კონტროლის ეროვნული ცენტრი სწავლობს.  ჩოხატაურის მუნიციპალიტეტის ზემო ფარცხმის მკვიდრი, 39 წლის მამაკაცი კორონავირუსით სამ თვეში ორჯერ დაინფიცირდა. აღნიშნულ ინფორმაციას ჩოხატაურის საზოგადოებრივი ჯანდაცვის ცენტრის ხელმძღვანელი, ნატო ჯიბუტი გვიდასტურებს. ,, სოფელ შუა ფარცხმაში 39 წლის მამაკაცს ,”კოვიდ 19”  PCR ტესტით, სამი თვის შუალედში ორჯერ დაუდასტურდა. შემთხვევას დაავადებათა კონტროლის ეროვნული ცენტრი სწავლობს’’. როგორც ჯიბუტმა დაგვიზუსტა, პირველი დაინფიცირება მამაკაცს მსუბუქ ფორმებში ჰქონდა. ამ ეტაპისათვის კი იგი მკურნალობას ბათუმში, კოვიდკლინიკაში გადის.