რამდენიმე დღის წინ ჩოხატაურში სისხლიანი დაპირისპირება მოხდა. ინფორმაციას ”გურია news” ავრცელებს. გამოცემის ინფორმაციით, სოფელ ბურნათში მამაკაცებს შორის დაპირისპირება პედოფილიის სავარაუდო შემთხვევას მოყვა, რომლის მიხედვითაც 50 წლის მამაკაცმა 17 წლის მოზარდზე სექსუალურად იძალადა.
სავარაუდოდ, აღნიშნულ ფაქტს მოყვა დაპირისპირებაც, რომლის შედეგადაც დაიჭრა მესამე პირი, არასრულწლოვნის მამის მეგობარი.
ჩვენი ინფორმაციით, 50 წლის მამაკაცი დაჭრის ბრალდებითაა დაკავებული და მიმდინარეობს საგამოძიებო მოქმედებები. მის წინააღმდეგ სექსუალური ხასიათის დანაშაულისთვის საქმე ჯერჯერობით არ აღძრულა.
”გურიაTV” ბურნათში მერის წარმომადგენელს ზაზა ანდღულაძეს დაუკავშირდა.
”სავარაუდოდ, პარასკევს ან შაბათს მოხდა. მე არაფერს შევსწრებივარ და ვერაფერს ვიტყვი, ჭორის დონეზე ვიცი ეს ამბავი, მაგრამ დიდი იმედი მაქვს, რომ გამოძიება ყველაფერს დაადგენს და სექსუალური ძალადობის ნაწილი სიმართლე არ იქნება” – განაცხადა ზაზა ანდღულაძემ.
Loading ...