ჩოხატაურის მერი ირაკლი კუჭავა, მერის პირველ მოადგილე თამაზ ჯინჭარაძესთან და სოფლის ხელმძღვანელებთან ერთად, სოფელ დიდვანში გურამ რამიშვილის ოჯახში იმყოფებოდა, რომლის საცხოვრებელ სახლს მეწყერული მოვლენების განვითარების შედეგად, შესაძლოა საფრთხე დაემუქროს. “ადგილზე შემოწმების შედეგად, მივიღეთ გადაწყვეტილება, რომ სასწრაფოდ მოწვეული იქნან გეოლოგები, რომლებიც კომპეტენტურად შეაფასებენ შექმნილ ვითარებას. მანამდე ოჯახს შევთავაზეთ ალტერნატიული საცხოვრებელი. გეოლოგიური დასკვნის საფუძველზე მერია მოახდენს სტიქიის შედეგების ლიკვიდაციას, ისე როგორც ანალოგიურ ვითარებაში, სულ რამდენიმე დღის წინ აღმოვუჩინეთ დახმარება სოფელ ზემო სურებში ეზიეშვილების ოჯახს.
აქვე მინდა ვთხოვო ჩვენს თანამოქალაქეებს, იმის გათვალისწინებით, რომ, დღეს ჩოხატაურში დაუდევრობის შედეგად გაჩენილი ხანძრის სამი კერა გვქონდა, მოვუწოდებთ ყველას, საგაზაფხულო სამუშაოების დროს გამოიჩინონ სიფრთხილე და ასევე, დროულად მოახდინონ სამაშველო სამსახურებისა და მერიისა ინფორმირება” – განაცხადა მუნიციპალიტეტის მერმა ირაკლი კუჭავამ.
Loading ...