ჩოხატაურის “ბახმარომ” მოსამზადებელ ეტაპზე მეორე ამხანაგური შეხვედრა მოიგო

საქართველოს საფეხბურთო ჩემპიონატის მესამე ლიგაში მოასპარეზე ჩოხატაურის “ბახმარომ” შუასეზონური შესვენების დროს მეორე ამხანაგური შეხვედრა გამართა.  ამჯერად ჩოხატაურელებმა დღეს, საკუთარ მოედანზე ვანის “სულორს” უმასპინძლეს. მატჩი გურულების უპირატესობით წარიმართა და ანგარიშით 2-0 დასრულდა.

მანამდე, 26 ივლისს  “ბახმარომ” “სამგურალი 2” სტუმრად 4-6 დაამარცხა.

ჩემპიონატის პირველი წრის შემდეგ ჩოხატაურის “ბახნარო”  მესამე ლიგაში 8 ქულით მე-15, ბოლოს წინა ადგილზეა.

მოსამზადებელ ეტაპზე “ბახმარო” რამდენიმე ფეხბურთელით გაძლიერდა. გუნდს შეემატნენ 22 წლის ნიგერიელი ჩუკუნვე ფილიპ უზომა, 26 წლის ცენტრალური მცველი შალვა ნადირაძე და 21 წლის საყრდენი ნახევარმცველი ნიკა გურული.

მეორე წრის პირველ შეხვედრას ჩოხატაურელები 21 აგვისტოს გამართავენ და “ვიტ ჯორჯიას” უმასპინძლებენ.