ჩოხატაურელი მარიამ მგალობლიშვილი კვლავ “თიბისი” ბანკის სტიპენდიანტია

სამი წლის წინ, ქალაქ თბილისში ჩატარებულ საქართველოს ბავშვთა და ახალგაზრდულ საგუნდო კოლექტივების IV ეროვნულ ფესტივალში მონაწილეობდა ჩოხატაურის სამუსიკო სკოლის გუნდი, ჟიურის გადაწყვეტილებით II ადგილი მიენიჭა გუნდის მომღერალს მარიამ მგალობლიშვილს. მარიამი “თიბისი” ბანკის რჩეული გახდა, ბანკმა მას  სტიპენდია დაუნიშნა.

მარიამი კულტურის ცენტრის აღსაზრდელიცაა, პედაგოგი სოფიო გიორგაძე, ის მონაწილეობას იღებს სხვადასხვა ფესტივალებსა და ღონისძიებებში, როგორც ქვეყნის, ასევე ქვეყნის გარეთაც, არის მრავალი ჯილდოს და სიგელის მფლობელი. მარიამი ასევე კარგად ხატავს, იღებს მონაწილეობას სხვადასხვა გამოფენებშიც. ამ მიღწევების გათვალისწინებით “თიბისი” ბანკმა ისევ გაახარა მარიამი და მისი ოჯახი, ისინი თვალს ადევნდებდნენ მარიამის წარმატებებს და 1 წლით გაუგრძელეს სტიპენდია.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა თაკო ასიეშვილმა მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.